سی پیک ئِ ھوالگئَ پاک بحریہ ئِ گیش بوتگیں زمہ واری ، زری کشکاناں محفوظ کنگئِ جزمئِ درشانی کتگ
اسلام آباد۔20نومبر( اے پی پی) چیف آف دی نیول سٹاف ایڈمرل ظفر محمود عباسی ئَ شمالی بحیرہ عربئَ پاک بحریہ ئِ جنگی یونٹس آنی آپریشنل ندارگ چار اِتگ۔ دوشمبےئِ روچئَ جاری پریس ریلیز ئِ ردئَ پاک بحریہ ئِ سروکیئِ سنبھالگئَ پد اے نیول چیف ئِ پچیں زرئَ تعینات نیول فلیٹ یونٹس ئِ اولی ترءُتاب بوتگ۔ کمانڈر پاکستان فلیٹ ریئرایڈمرل محمد امجد خان نیازی ھم اے موھئِ سرئَ نیول چیف ئِ ھمراھ بوتگ۔ زات کاریانی اے جوانیں ندارگانی پیش دارگئَ پاک بحریہئِ بازیں بحریءُ بالی یونٹس آں بھر زُرتگ۔ ایڈمرل ظفر محمود عباسی ئَ اے موھئِ سرئَ پاک بحریہ ئِ گرابانی سرئَ تعینات افسر ءُ ورناھ آناں زور پِرداتگ ءُ گشتگ کہ آ نوگیں ءُ بانداتئِ بحری جیڑھءُ جنجالاں گیشءُ گیوار کنگئِ ھاترئَ گشادی ئَ گوں مٹ بوھوکیں آپریشنل جاورھالاں چہ سرپد اِنت۔ چیف آف دی نیول سٹاف ئَ پاکستان نیوی فلیٹ ئِ آپریشنل تیاری آنی سرئَ سدکّی ئِ درشانی کتگءُ پچیں زِرئَ فلیٹ یونٹس ئِ وتی ترءُ تاب ئِ ھوالگئَ چہ دراھیں مردمانی کوشستاناں ساڑاتگ۔ آئی ئَ پاک بحریہ ئِ اے جزم ئِ درشانی ھم کتگ کہ آ ھمک نیادئَ ملکئِ بحری سیمسرءُ پاھدگ رکھینگ بنت۔
