اسلام آباد ۔ 19 نومبر (اے پی پی) صدر مملکت ممنون حسین ئَ گوشت کہ پاکستان زھگانی میاں اوستمانی روچ ئِ درگت ئَ اے جزم ئِ درشان کت کہ وتی زھگ آںی ھقانی رکھگ ئِ ھاترا دراھیں وسیلگ کارمرز کنگ بنت،آہان ملک ئِ ھاترا شریں ئُُ چاگرد ئَ پہ نپ ئُُ سیت جوڈ کنگ ئِ ھاترا زرکاری،وانگ ئُُ زانگ،جان سلامتی ئُُ رکھگ ئَ را یقینی جوڈ کنگ ئِ ھاترا دراھیں ضلوری گام زورگ بنت۔زھگ آنی میاں اوستمانی روچ ئِ درگت ئَ وتی کلہو ئَ صدر مملکت ممنون حسین ئَ گوشت کہ پاکستان 20 نومبر ئَ زھگانی میاں اوستمانی روچ دارگ ئِ ھاترا جہانی براتری ئَ گوں ھوار انت ،مہ وتی زھگانی ھقانی رکھگ ئِ ھاترا جزم دار انت۔صدر اے گپ ئَ زور دات کہ زھگانی میاں اوستمانی روچ ئِ درگت ئَ مروچی مارا وتی مذہب ئِ پرمان ئُُ آئین ئَ نبشتہ کتگیں ذمہ واری ئِ حکم ئَ را یاد دارگ بہ بیت، پاکستان زھگانی ھکانی رکھگ ئُُ ودکی ئِ ھاترا درستاں چہ اولی لڑ ئَ ھوار انت۔ ایشی ئِ ھاترا حکومت ئَ زھگانی گہتر معیشت ،جان سلامتی،وانگ ئُُ زانگ ئَ را یقیمی جوڈ کنگ ئِ ھاترا دراھیں ضلوری گام گیج کتگ انت۔اسلام مئے زھگانی رکھگ ئُُ دیمروئی ئِ شریں کار ئِ دلبڈی کنگ انت،مئے مذہبی ئُُ میاں اوستمانی ذمہ واری آنی ردا حکومت زھگانی رکھگ ئُُ دیمروئی ئِ ضلورت ئَ چہ سرپد انت ہمہ کہ مئے مستریں مڈی انت۔
