اسلام آباد۔ 16 نومبر (اے پی پی) مزن وزیر شاہد خاقان عباسی ئَ گوشت کہ بُنجاھ ئِ چیر دستیں قبائلی دمگ (فاٹا) ئِ کوچگ آنی جوڑیشت ئُُ دیمروئی ئِ درگت ئَ بُنجاھی حکومت ئُُ توامیں صوبائی حکومت آنی تہ ئَ سرجمیں تپاکی گندگ بیت۔ آئی ئَ اے گپ پنچ شمبے ئِ روچ ئَ ادا قبائلی دمگ آں گوں سیادی داروکیں سیاسی گل اانی یوتھ ونگز ئِ ڈل ئَ گوں تران کنان ئَ کت اَنت ، ایشاں مزن وزیر گس ئَ گوں مزن وزیر ئَ گند ئُُ نندکت۔ ڈل ئِ تہ ئَ مسلم سٹوڈنٹس فیڈریشن، انصاف سٹوڈنٹس، قومی وطن پارٹی یوتھ ونگ، اسلامی جمعیت طلبہ، فاٹا سٹوڈنٹس آرگنائزیشن، پختون سٹوڈنٹس آرگنائزیشن، خیبر سٹوڈنٹس آرگنائزیشن ئَ ابید ایندگہ یوتھ گل آنی باسک آں بھر زوری کتگ اَت۔ بُنجاھی وزیر سفران لیفٹیننٹ جنرل (ر) عبدالقادر بلوچ ئُُ نامداریں اھوالکار سلیم صافی ھم گند ئُُ نند ئِ تہ ئَ ساڑی اَت۔ گند ئُُ نند ئَ فاٹا ئِ ھوالگ ئَ سیادی داروکیں کار آنی سر ئَ ھیال ریچی کت۔
