اسلام آباد۔ 15نومبر (اے پی پی) بنجائی وزیر قومی جان جوڑی سائرہ افضل تارڑ چارشنبے نادے ابوظہبی ٹی رکھی ٹیکہ غاتا جہانی ادارہ گاوی نا چیف ایگزیکٹو سیٹھ برکلے تون اوڑدہی کرے۔ اوڑدہی ٹی چناتے کن رکھی ٹیکہ غاتا پروگرام ءِ گچین جوڑ کننگ کن سلاہ تیا سجفنگا۔ بنجائی وزیر قومی جان جوڑی جہانی ادارہ رکھی ٹیکہ غاتا کنڈآن چناتا رکھی ٹیکہ غاتا پروگرام کن کمکاری آ منت واری ءِ …
بنجائی وزیر قومی جان جوڑی سائرہ افضل تارڑ نا رکھی ٹیکہ غاتا جہانی ادارہ گاوی نا چیف ایگزیکٹو سیٹھ برکلے تون اوڑدہی
گیشتریں ھال
اسلام آباد۔ 15نومبر (اے پی پی) بنجائی وزیر قومی جان جوڑی سائرہ افضل تارڑ چارشنبے نادے ابوظہبی ٹی رکھی ٹیکہ غاتا جہانی ادارہ گاوی نا چیف ایگزیکٹو سیٹھ برکلے تون اوڑدہی کرے۔ اوڑدہی ٹی چناتے کن رکھی ٹیکہ غاتا پروگرام ءِ گچین جوڑ کننگ کن سلاہ تیا سجفنگا۔ بنجائی وزیر قومی جان جوڑی جہانی ادارہ رکھی ٹیکہ غاتا کنڈآن چناتا رکھی ٹیکہ غاتا پروگرام کن کمکاری آ منت واری ءِ ہرفے۔ سائرہ افضل تارڑ پارے کہ پاکستان اٹی 60لکھ چنا و 60لکھ حاملہ زالبول ءِ رکھی ٹیکہ خلنگ نا ہدف ءِ۔ چناو زالبول آتسکان رسینگ ءِ پین گچین جوڑ کننگ کن پبی گام گیج کننگ انگ ءِ۔ بنجائی وزیر پارے کہ ٹیکہ غاتا ترسیل و اسٹوریج نا نظام ءِ گچین جوڑ کننگا و گدرینگوک آ سال دادے آئی ایس او سرٹیفکیٹ جاری کرے۔ بنجائی وزیر جان جوڑی مارچ، اپریل 2018 ء ٹی مچ آ ملک اٹی خسرہ آن بچفنگ نا مہم نا چرجوئی ٹی جہانی ادارہ ٹیکہ غاتا سروک تون ہیت وگپ کرے۔ داوخت آ سیٹھ برکلے تینا ادارہ نا کنڈآن ہروڑنا کمکاری نا باوری ترفے۔ اولمہ چنانا جان جوڑی ءِ گچین جوڑ کننگ کن پاکستان وزارت قومی جان جوڑی و سائرہ افضل تارڑ نا کوشست آتا ستاءِ کرے۔
