اسلام آباد۔ 15نومبر (اے پی پی) امریکہ ٹی پاکستان نا سفیر اعزاز چوہدری سینیٹر جیک ریڈ (جمہوریہ رہوڈز آئی لینڈ) تون کیپیٹل بل واشنگٹن ڈی سی ٹی اوڑدہی کرے۔ سینیٹر جیک ریڈ آرمڈ سروس کمیٹی نا رینکنگ باسک ءِ و سینیٹ ایپروپریئشن و سینیٹ بینکنگ ، ہاؤسنگ و اربن افیئرز کمیٹی تا ہم باسک ءِ۔ سفیر اعزاز چوہدری سینیٹر ریڈ ءِ سویلی ایشیا ٹی امریکہ نا پوسکن آ حکمت عملی آ پاکستان نا نقطہ نظر بیان کرے و اوغانستان نا ساڑی آحالیت آتاباوراٹ پارے۔ اوپارے کہ پاکستان سرسہبی اٹ دہشت گردی نامون ءِ تورینے و سیمی علاقہ غاتے غٹ عسکریت پسند آتیان پاک کرینے ملک اٹی امن وایمنی نا حالیت گچین مسنے و جہانی کہول آ پاکستان ناپہچان اسہ گچین ءُ معیشت و پیشن نا زرکاری نا ودوک آ است خواہی آن مننگ ءِ۔ سفیر پارے کہ پاکستان نا پہچان اسہ گچین ءُ معیشت و پیشن نا زرکارآتا ودوک آ است خواہی آن مننگ ءِ۔ سفیر پارے کہ پاکستان اوغانستان اٹی امن کن امریکہ تون کاریم کننگ نا خواہندار ءِ انتئے کہ اوغانستان نا نزور حالیت آن پاکستان معاشی شونداری و امن دوئی کننگ کپک۔ اوداہیت آ گڑتی نا درشانی ءِ کرے کہ اوغان گل زمین دہشت گردی وپاکستان آ جلہو آتے کن کاریم اٹ اتنگ انگ ءِ ۔ سفیر اعزاز چوہدری نا ہیت انا ستاءِ کرسا سینیٹر ریڈ پارے کہ پاکستان و امریکہ نا نیام اٹ پائیدار تعلقداریک ءُ و امریکہ اوغانستان اٹی امن نا دوئی کن کوشست کننگ ءِ۔
