اسلام آباد اٹی دھرنہ نا ویل ءِ پرامن وڑاٹ ایسر کننگ نا پورو کوشست کننگ اُن
اسلام آباد۔ 15نومبر (اے پی پی) وزیر مملکت کیڈ طارق فضل چوہدری پارے کہ ننے داہیت انا احساس ارے کہ دھرنہ نا سوب جاڑانگاشارنا الس مشکل آتا گواچی ءِ، ہسپتال و تعلیمی ادارہ غاتسکان رسینگ مشکل مننگ ءِ، نن پورو کوشست کننگ اُن کہ ویل ءِ پرامن وڑاٹ ایسر کننگے۔ چارشنبے نادے داڑے میڈیا تون ہیت وگپ کرسا اوپارے کہ عالم دین راجہ ظفرالحق نا سرکڑدہ ہی ٹی اڈ ہلوک آ کمیٹی آ پورو پت اتون سینیٹر مشاہد اللہ و وزیر داخلہ احسن اقبال آ ہم پت انا درشانی ءِ کرینو، عالم دین پارینے کہ ہرانتیجہ بریک نن اودے امنا کینہ و ایلو عالم دین آتون اواری اٹ ویل ءِ پرامن وڑاٹ ایسر کینہ۔
