کوئٹہ ۔ 14 نومبر (اے پی پی) مزن وزیر شاہد خاقان عباسی ئَ بلوچستان ئِ توامیں دمگ آناں دیمروئی ئِ درگت ئَ ملک ئِ ایندگہ دمگ آنی ھمکچ ئَ آرگ ئِ واستہ 10سالی ”ایکولائزیشن پیکیج“ ئِ جار جنان ئَ گوشت کہ صوبگ ئَ یونین کونسل ئِ تک ئَ وانگ ئُُ زانگ جان سلامتی گیس ساپیں آپ پہ ورگ ئِ واستہ ، ئَ ھوار دگہ بازیں دیمروئی پیکج تیار کنگ بوھگ ئَ اِنت ایشانی سر ئَ ھمے سر ئَ کار بندات بیت، گچین بوتگیں جمہوری حکومت ئِ 5سال ئِ وھد ئُ پاس جون ئِ ماہ ئَ سرجم بیت ایشی ئَ چہ پد لس گچین بنت۔ آ سئے شمبے ئِ روچ ئَ گورنر گس ئَ بلوچستان ئَ دیمروئی منصوبگ ئُُ ایمنی ئِ جاور ھال آنی بابت مزن تک ئِ دیوان ئِ سروکی ئَ پد رسانکی در آں گوں تران کنان اَت۔ گورنر بلوچستان محمد خان اچکزئی، سروزیر بلوچستان نواب ثناءاللہ زہری ھم اے موہ ئَ ساڑی اَت۔ مزن وزیر شاہد خاقان عباسی ئَ کوئٹہ ئَ وتی دزگٹی آنی تران کنان ئَ گوشت کہ اِدا بوتگیں دیوان ئَ پاک چین اقتصادی راہداری (سی پیک) ئُُ بلوچستان ئَ جاڑیگ ایں ایندگہ دیمروئی منصوبگ آنی سر ئَ چار ئُُ تپاسی گرگ بوتگ۔ آئی ئَ گوشت کہ بلوچستان ئَ را ایندگہ صوبگ آنی ھم کچ ئَ آرگ ئِ واستہ 10سالی ایکولائزینشن پیکج ئِ بابت ئَ سر وزیر بلوچستان ئِ نیمگ ئَ شور ئُُ سلاھ پیش کنگ بوتگ ایشی ئِ سر ئَ بُنجاھی حکومت ئَ تپاک کتگ، اے پیکج ئِ ھاترا نیم فنڈ بُنجاھ ئُُ نیم صوبگ پُجارین ایت ئُُ ھمے سال ئَ کار بندات بیت، پیکج ئَ بلوچستان ئَ یونین کونسلئِ تک ئَ جوڑیشت ئُُ دیمروئی، وانگ ئُُ زانگ ، جان سلامتی ئِ شوبگ ئَ آسراتی، گیس ئِ منصوبگ ئُُ ورگ ئِ ھاترا ساپیں آپ ئِ منصوبگ ھوار اَنت تانکہ صوبگ ملک ئِ ایندگہ دیمروئی کنوکیں ملک آنی رنگ ئَ دیمروئی بہ کنت۔ آئی ئَ گوشت کہ دیوان ئَ سی پییک منصوبگ ئُُ ایندگہ دیمروئی ئِ منصوبگ آنی سر ئَ سرجمیں چمشانک گرگ بوتگ، سوئی سدرن گیس کمپنی ئِ نیمگ ئَ گیس سپلائی سسٹم ئَ ایل پی جی ئَ را یکجا ملارینگ ئِ ھوالگ ئَ 20ارب کلدار ئِ ھرچ ئُُ درچ ئِ منصوبگ ئِ سر ئَ چار ئُُُ تپاسی وھدیکہ سی پیک ئِ چیر دستی ئَ 80ارب ئِ منصوبگ آنی سر ئَ چار ئُُ بچار کنگ بوتگ۔ آئی ئَ گوشت کہ مئے کوشست اِنت کہ یک یا دو ماہ ئِ نیام ئَ کوئٹہ ئِ تر ئُُ تاب ئَ بکن آں ئُُ اے منصوبگ آنی سر ئَ چار ئُُ تپاسی بگر آں تانکہ اے منصوبگ گیش دل یکیمی ئَ سرجم بہ بنت۔ یک جُست ئِ ئے پسو ئَ آئی ئَ گوشت کہ حکومت ئُُ جمہوریت ھوری ئَ روگ ئَ اَنت، جون ئَ استیں حکومت وتی وھد ئُُ پاس ئَ سرجم کنگ ئَ اِنت ایشی ئَ چہ پد دو ماہ ئِ اندر ئَ لس گچین کاری بنت ئُُ جمہوریت چلگ ئَ اِنت۔ یک دگہ جست ئِ پسو ئَ آئی ئَ گوشت کہ کانود ئِ رد ئَ حکمرانی بیت، کانود ئِ پاگواجئی بہ بیت۔
