سی پیک منصوبگ ئَ ھوار ایندگہ دیمروئی منصوبگ، ٹیوب ویل آناں روچ برانز ھاٹیگ ئَ چہ چلائینگ، ھاسیں اقتصادی زون، آپ ئِ انتظام ئِ منصوبگ ئُُ ٹیل ئُُ گیس ئِ شوہاز ئِ منصوبگ آنی بابت ئَ سرجمیں بریفنگ
کوئٹہ ۔ 14 نومبر (اے پی پی) مزن وزیر شاہد خاقان عباسی ئَ گوشت کہ بلوچستان ئِ اُلس آنی چاگردی ئُُ اقتصادی دیمروئی بُنجاھی حکومت ئِ واھگ اِنت۔ آئی ئَ اے گپ سئے شمبے ئَ ادا گورنر گس ئَ بلوچستان ئِ دیمروئی منصوبگ آنی بابت ئَ دیوان ئِ سروکی ئَ کنان ئَ کت۔ مزن وزیر کارگس ئِ میڈیا ونگ ئِ نیمگ ئَ جاڑی بوتگیں بیان ئِ رد ئَ دیوان ئَ گورنر بلوچستان محمد خان اچکزئی، سر وزیر بلوچستان سردار ثناءاﷲ زہری، بُنجاھی وزیر سیم سرئی کار لیفٹیننٹ جنرل (ر) عبدالقادر بلوچ، راجی سلامتی ئِ مشیر لیفٹیننٹ جنرل (ر) ناصر خان جنجوعہ، کمانڈر سدرن کمانڈ لیفٹیننٹ جنرل عاصم سلیم باجوہ، صوبائی وزیر برائے توکی کار ئُُ منصوبگ بندی ئُُ دیمروئی، چیف سیکرٹری بلوچستان ئُُ ایندگہ کارندہ آں بھر زوری کت۔ ایڈیشنل چیف سیکرٹری (دیمروئی) ئَ سی پیک منصوبگ آں ھوار دیمروئی منصوبگ، ٹیوب ویل آناں روچ برانز ھاٹیگ ئِ سر ئَ چلائینگ، ھاسیں اقتصادی زون، آپ ئِ انتظام ئِ منصوبگ ئُُ ٹیل ئُُ گیس ئِ شوہاز ئِ منصوبگ آنی بابت ئَ سرجمیں چمشانک دانت۔
