بلوچستان ایمنی ئِ برجائی ئِ ھاترا توامیں کانود ئَ را مھکمیں داروکیں کارندہ آنی کربانی بے درور اَنت، ایمنی ئِ گہتری ئِ ھاترا بُنجاھی حکوت بلوچستان ئِ حکومت ئَ را ھمک رنگ ئِ کمک ئَ پُجارین ایت، شاہد خاقان عباسی
کوئٹہ ۔ 14 نومبر (اے پی پی) مزن وزیر شاہد خاقان عباسی ئَ گوشت کہ بلوچستان ئَ ایمنی ئِ برجائی ئِ ھاترا کانود ئَ را مھکم داروکیں ادارگ ئِ کربانی بے درور اَنت، ایمنی ئِ جاور ھال گہتر جوڑ کنگ ئِ ھاترا بُنجاھی حکومت بلوچستان ئِ حکومت ئَ گوں ھمک رنگ ئِ کمک پُجارین ایت۔ آئی ئَ اے گپ سئے شمبے ئِ روچ ئَ بلوچستان ئَ ایمنی ئِ جاور ھال آنی بابت ئَ دیوان ئِ سروکی ئَ کنان ئَ گوشت۔ مزن وزیر کارگس ئِ میڈیا ونگ ئِ نیمگ جاڑی بوتگیں بیان ئِ رد ئَ دیوان ئَ گورنر بلوچستان محمد خان اچکزئی، سروزیربلوچستان سردار ثناءاﷲ زہری، بُنجاھی وزیر سیم سرئی کار لیفٹیننٹ جنرل (ر) عبدالقادر بلوچ، قومی سلامتی ئِ مشیر لیفٹیننٹ جنرل (ر) ناصر خان جنجوعہ، کمانڈر سدرن کمانڈ لیفٹیننٹ جنرل عاصم سلیم باجوہ، آئی جی ایف سی، تہی کارانی وزیر بلوچستان، چیف سیکریٹری بلوچستان، آئی جی پولیس ئُُ کلانئیں کارندہ آں بھر زوری کت۔ دیوان ئَ کوئٹہ ئَ زوت بوتگیں ناشرکاری ئَ چہ بیران بوتگیں شہید آنی ھاترا دُعا ئِ نیک کت۔ سیکریٹری بلوچستان ئَ ایمنی ئِ بابت ئَ سرجمیں چمشانک دات۔ دیوان ئَ شیعہ زیارت کنوک آنی واستہ سیکورٹی گامگیج آنی سر ئَ سرجمیں باست ئُُ واستہ کنگ بوت۔
