اسلام آباد۔14نومبر(اے پی پی) کیڈئِ ملکی وزیر ڈاکٹر طارق فضل چوہدری ئَ گشتگ کہ پاکستان مسلم لیگ (ن) محمد نواز شریف ئِ جوانیں سروکی ئَ یکجاھ اِنت۔ سئے شمبے ئِ روچئَ یک نجی ٹی وی چینل ئَ گوں گپءُ تران کنانئَ آئی ئَ گشتگ کہ اُلس پاکستان مسلم لیگ(ن) ئِ سروکی ئِ سرئَ سرجمی ئَ اوست کن اَنت ءُ ھمےں سوب اِنت کہ آھاں محمد نواز شریف ئَ را سئمی رندئَ ملکئِ مزن وزیر درچتگ بوتگ۔ آئی ئَ گشتگ کہ محمد نواز شریف ملک ئِ نامدارتریں رھشون اِت کہ آئی ئَ ملکی دیمروئی ءُ وشھالی ئِ ھاترئَ سی پیک ئَ ھوار بازیں پلاحی منصوبہ بندات کتگ اَنت۔ ملکی وزیر ئَ گشتگ بوتگ کہ مئے پیسرگیں مزن وزیر محمد نواز شریف ئِ نابودی ئِ سرئَ تکانسری اَست چیاکہ آئیءَ را کرپشن ئِ سرئَ نہ تنا یک اقامہ ئِ بنیاتئَ نابود کنگ بوتگ۔ آئی ئَ گشتگ کہ یکجائی پٹءُ پولی ٹیم جے آئی ٹی ئِ تحقیقات کارئَ چہ تکانسریئَ ابید پاکستان مسلم لیگ(ن) ئِ حکومت ئَ جے آئی ٹی ئِ گوما سرجمئَ کمک کتگ۔

متعلقہ مضامینمصنف کی طرف سے مزید