اسلام آباد۔14نومبر(اے پی پی) تہی کارانی ملکی وزیر طلال چوہدری ئَ گشتگ کہ پاکستان مسلم لیگ(ن) ءُ آئی ئِ قیادتئَ ملک ئِ تہا مدام کانودئِ مزنی ئِ ھاترئَ کار کتگ، کس چہ کانودئَ چہ مستر نہ اِنت۔ سئے شمبے ئِ روچئَ یک نجی ٹی وی چینل ئَ گوں گپءُتران کنانئَ آئی ئَ گشتگ کہ ملکی مھکمی راجی ادارگ آنی شرپ ئَ گوں بندوک اِنت، بلے ھمک ادارگئَ را وتی آئینی ھدءُ سیمسراں تہا کار کنگ لوٹ ایت۔آئیئَ گشتگ کہ پاکستان پیپلز پارٹی ئَ ھوار گوستگیں حکومت کراچیئِ وڈیں مزنیں شہرئِ تہا امنءُ ایمنی ئِ بحالی کنگئَ سوبمند نہ بوتگ بلے پیسرگیں مزن وزیر محمد نواز شریف ءُ آئی ئِ حکومت ئِ مھکمیں گامگیجانی برکتئَ کراچی ءِ تہا امن ءُ ایمنی بحال بوتگ۔ یک جستے ئِ پسوئَ ملکی وزیرئَ گشتگ بوتگ کہ مزن گس راستی ئِ پیسلہ ئَ کنت ءُ ھمک مردم اے پیسلہ آناں منگءِ پابند اِنت۔ آئی ئَ گشتگ کہ ملکی دیمروئی ءُ وشھالی ئِ ھاترئَ ھرکسئَ را وتی ردیگاں چہ سبک زورگ لوٹ ایت۔
