اسلام آباد۔ 14نومبر (اے پی پی) وزیر دفاع اقوام متحدہ نا امن گام گیج آتا بابت وزیر دفاع تا دیوان اٹی پاکستان نا نمائندگی ءِ کننگ کن مسہ دے ئی دورہ غا کینیڈا غا سرمسنے۔ دیوان سے شنبے نادے وینکوور اٹی بناء کرینے۔ وزیر دفاع اقوام متحدہ نا رداٹ امن کارروائی تا رداٹ پاکستان نا عزم آ خیال آتا درشانی ءِ کیک و ’’پیشگی خبردار کننگ وتعیناتی ‘‘ نا سرحال آ پاکستان نا نقطہ نظر ءِ واضح کیک و سلاہ پیش کیک۔ خرم دستگیر خان دیوان اٹی پاکستان نا جہانی شریدارآتون ہڑتوم آ کنڈآتیااوڑدہی ہم کیک۔ وزیر دفاع پارے کہ پاکستان دنیا نا جنگ آن زہمی علاقہ غاتیٹی مریس وختی سوگوی کن اقوام متحدہ نا جہانی کوشست آتیٹی مستین اٹ ہم اہم کڑدادا کرسا کرینے و پین وخت اس ہم کرساکیک۔ پاکستان اقوام متحدہ نا امن مشن اٹی غٹ آن زیات فوجی کارندہ فراوان کروک آ ملک آتیٹی اوار ءِ و اقوام متحدہ نا 10مشن تیٹی داوخت آ ہم 6ہزار آن زیات فوجی کارندہ تینا فرض ءِ انجام تننگ ءُ۔ 1960ء آن داوخت اسکان 28چندی ملک آتیٹی اقوام متحدہ نا 45مشن آتے کن اسہ لکھ 80 ہزار آن زیات فوجی کارندہ گدریفینے۔
