اسلام آباد۔ 14نومبر (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تیٹی بنجائی حکومت نا خصوصی شونداری کاریم تے کن جم وڑاٹ داوخت اسکان 74ارب روپئی آن زیات نا فنڈ جاری کرینے۔ بنجائی حکومت خصوصی پروگرام تے کن 2کھرب 33ارب 17 کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پائیدار شونداری ہدف آتے کن 30 ارب، پرائم منسٹر یوتھ کسب کار پروگرام کن 9 ارب 19 کروڑ، عارضی وڑاٹ بے اُرا مروک آ بندغ آتا بحالی کن 18 ارب 44کروڑ، سیکورٹی گام گیج آتے کن 15ارب و ایرا کن اسہ ارب 80 کروڑ روپئی تون اوار چندی شونداری ڈٹ آتے کن فنڈ جاری کرینے۔
