اسلام آباد۔ 14نومبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی ریاستی و سیمی امور ڈویژن نا شونداری کاریم تے کن جم وڑاٹ داوخت اسکان 9 ارب 64کروڑ 98 لکھ روپئی آن زیات نا فنڈ جاری کرینے۔ بنجائی حکومت نا داڈویژن نا شونداری پروگرام تے کن 26ارب 90کروڑ روپئی آن زیات نا فنڈ جتا کننگانے۔ پلاننگ کمیشن نا جاری کروک حساب وکتاب نارداٹ حکومت قبائلی علاقہ غاتیٹی شونداری کاریم تے کن 9 ارب 30 کروڑ، چاؤتنگی سمال ڈیم اکن 8 کروڑ 78 لکھ، مہمند ایجنسی ٹی نحقی ٹنل کن 16کروڑ، اورکزئی ایجنسی ٹی روڈ آتا جوڑ جاڑ کن 10کروڑ روپئی تون اوار چندی شونداری ڈٹ آتے کن فنڈ جاری کرینے۔
