کوئٹہ۔ 14نومبر (اے پی پی) وزیراعظم پاکستان شاہد خاقان عباسی سے شنبے نادے اسہ دے ئی دورہ غا تینا خصوصی جہاز اٹی اسلام آباد آن کوئٹہ غا سرمس۔ بالی پٹ آ وزیراعلیٰ بلوچستان نواب ثناء اللہ خان زہری، صوبائی وزیر پی اینڈ ڈی ڈاکٹر حامد خان اچکزئی ، صوبائی وزیر تعلیم عبدالرحیم زیارتوال ، وزیراعلیٰ نا سلاہکار اطلاعات سردار رضامحمد بڑیچ ، وزیراعلیٰ نا سلاہکار محمد خان لہڑی ، چیف سیکرٹری اورنگزیب حق، وزیراعلیٰ نا ترجمان انوارالحق کاکڑ، آئی جی پولیس معظم جاہ انصاری و ایلو بڑزکو کمامدارآک وزیراعظم ءِ بخیر کریر وزیراعظم تون اوار بنجائی وزیر سائنس وٹیکنالوجی میر دوستین خان ڈومکی، قومی سلامتی نا سلاہکار ناصرخان جنجوعہ ہم کوئٹہ غاسرمسنو۔ وزیراعظم شاہد خاقان عباسی بالی پٹ آن گورنر ہاؤس آ سرمس ہراڑے او صوبائی وزیر و اسمبلی نا باسک آتون اوڑدہی آن بیدس صوبہ ٹی امن وایمنی و شونداری ڈٹ آتا بابت دیوان نا کماشی ءِ کیک۔
