پاکستان و سعودی عرب عقیدہ ،تاریخ و دودوربیدہ نا سوگو رشتہ غاتیٹی گنڈوک ءُ
اسلام آباد۔ 13نومبر (اے پی پی) صدر مملکت ممنون حسین پارینے کہ پاکستان و سعودی عرب عقیدہ، تاریخ و دودوربیدہ نا سوگو رشتہ غاتیٹی گنڈوک ءُ و اوفتانیام اٹ چندی شعبہ حیات اٹی رابطہ غاک استوار ءُ ہرافتے ٹی پین کڑمبی ودی کننگ کن کاریم بایدے برجاسلے۔ اوداہیت ءِ دوشنبے نادے سعودی عرب نا سفیر کموڈورنواف سعید احمد المالکی تون ہیت وگپ کرسا پارے ہرا ایوان صدر اٹی اوڑتون اوڑدہی کرے۔ داوخت آ ایلو بڑزکو کمامدارآک ہم ساڑی ئسر۔ صدر مملکت پارے کہ پاکستان و سعودی عرب تون تینا تعلقداری تے بھاز اہمیت ایتک و ہڑتوم آ ملک آک آزمائش نا ہروخت آ مدام اسہ ایلو تون تفینو۔ اوپارے کہ پرخلوص تعلقداری تا داچرجوئی دنیاکن اسہ مثال اسے۔
