تمبو، کمبل و ایلو ہڑدڑی گڑاتے تون اوار امداد دمدستی وڑاٹ ایران آ گدریفنگ نا پارت
اسلام آباد۔ 13نومبر (اے پی پی) وزیراعظم شاہد خاقان عباسی عراق و ایران نا نیام اٹ سیمی علاقہ غاتیٹی تباہ کن زمی جمب آن مروک آ جانی و مالی نسخان آ ڈکھ و است ہسونی نا درشانی ءِ کرینے۔ وزیراعظم آفس نا کنڈآن دوشنبے نادے جاری بیان نارداٹ پاکستان نا حکومت و الس ڈکھ انا داساہت اٹی ایران وعراق نا حکومت و الس تون پورو یکجہتی نا درشانی ءِ کیک۔ وزیراعظم تمبو، کمبل و ایلو ہڑدڑی گڑاتے تون اوارادمداد دمدستی وڑاٹ ایران آ گدریفنگ نا پارت ہم کرینے۔ وزیراعظم دعا کرے کہ اللہ تعالیٰ ایماندار تے جنت الفردوس اٹی جاگہ ایتے و ٹھپی تے زوت جان جوڑ کے۔
