راولپنڈی۔ 13نومبر (اے پی پی) بری فوج انا سروک جنرل قمر جاوید باجوہ تون برطانیہ ٹی اڈ ہلوک آ ’’ایکسر سائز کیمبرین پیٹرول ‘‘ اٹی گولڈ میڈل دوئی کروک آ پاک فوج انا ٹیم اوڑدہی کرے، دا مشق آک 13آن 22اکتوبر برطانیہ ٹی اڈ ہلکوسس۔ پاک فوج انا شعبہ تعلقات عامہ (آئی ایس پی آر) نا رداٹ ’’ایکسر سائز کیمبرین پیٹرول ‘‘ اٹی 131ملک آتا ٹیمک بشخ ہلکر۔ دامشق آتیٹی فوجی ورناتا سخت پیٹرولنگ ٹیسٹ ءِ ہلنگک۔ پاک فوج انا ٹیم پدریسہ مسٹ میکو وار و جم وڑاٹ چارمیکو وار دا مشق آتیٹی گولڈ میڈل دوئی کرینے۔ آرمی چیف جنرل قمر جاوید باجوہ پاک فوج انا ٹیم انا کارکڑد نا ستاءِ کرے ۔ کیمبرین پیٹرول سخت جسمانی ءُ مشق اسے ہرامشن ءِ دوئی کننگ کن ٹیم ورک آ چکار ءِ کیک۔ مشق آتیٹی برطانیہ نا دشوار گذار مشی آ کسر آ 8 ورناتیا تالان ٹیم 40 کلوکمبیٹ گیئر ءِ چیلنج آتون مون ترسا مزل اسکان سرکننگانے۔
