اسلام آباد ۔ 13 نومبر (اے پی پی) صدر مملکت ممنون حسین ئَ بُنجاھی حکومت ئِ آرٹسٹس ویلفیئر فنڈ ئَ چہ ملک ئِ جتاجتائیں دمگ آں گوں سیادی داروکیں ازمکار آنی مالی کمک ئِ منظوری دات۔ دوشمبے ئَ بُنجاھی حکومت ئِ آرٹسٹس ویلفیئر فنڈ ئِ دیوان صدر ئِ مملکت ئِ سروکی ئَ ایوان ئِ صدر ئَ بوت ایشی ئِ تہ ئَ وزارت ئِ ھزانگ، کابینہ ڈویژن، سیکرٹری وزارت ئِ جان سلامتی ئُُ کمیٹی ئِ ایندگہ باسک آں بھر زوری کت۔ دیوان ئَ کمک ئِ ھاترا دیوکیں دزبندی آنی سر ئَ چار ئُُ تپاسی گران ئَ کمک دستیں ازمکار آنی مالی کمک ئِ منظوری دیگ بوت۔ اے موہ ئِ سر ئَ صدر ئِ مملکت ئَ پنت ئُُ شون کت کہ مزن وزیر ئَ جان سلامتی پروگرام ئِ چیر دستی ئَ نادُراھیں ازمکار آنی علاجئِ ھاسیں بندوبست کنگ بیت۔ اے رد ئَ آئی ئَ وزارت ئِ جان سلامتی ئَ را پنت ئُُ شون کت کہ آ جاور ھال آنی چار ئُُ تپاس گران ئَ زوت گامگیج بہ زور ایت۔ صدر ئِ مملکت ئَ سنسر کمیٹی ئَ را پنت ئُُ شون کت کہ ملک ئَ کجام ھم اے رنگیں در ملکی تامُر ئِ نماش ئِ موہ دیگ مہ بیت آئی ئَ چہ پاکستان ئِ ھلاپ ئَ پروپیگنڈہ کنگ بہ بیت۔ اے موہ ئَ آرٹسٹ ویلفیئر سٹیئرنف کمیٹی ئِ باسک عطاءالحق قاسمی، اصغر ندیم سیدّ، عارف حبیب، مصطفیٰ قریشی، نجیب اللہ انجم، شاہد شفیق، قوی خان، سلمان علوی، زیبا محمد علی ئُُ ایندگہ ٹوھیں کارندہ آں بھر زوری کت۔
