اسلام آباد، بلوچستان ، خیبر پختونخوا، فاٹا، بڑزکو پنجاپ، کشمیر و گلگت بلتستان اٹی اینو جاگہ جاگہ وخت اس کہ ڈی جی خان، ملتان ، بہاولپور ، کراچی، لاڑکانہ ڈویژن اٹی گڑاس ہند آتیا ہورہ و گروک تون پِر و مش تیا برف باری نا گمان ءِ، محکمہ موسمیات

اسلام آباد۔ 12نومبر (اے پی پی) بروک آ 24گھنٹہ ٹی اسلام آباد ، کوئٹہ تون اوار بلوچستان ، خیبر پختونخوا، فاٹا، بڑزکو پنجاپ (راولپنڈی ، لاہور، گوجرانوالہ، فیصل آباد، ساہیوال ڈویژن) کشمیر و گلگت بلتستان اٹی جاگہ جاگہ وخت اس کہ ڈی جی خان ، ملتان ، بہاولپور ، کراچی، لاڑکانہ ڈویژن اٹی گڑاس ہند آتیا ہورہ و گروک تون پِر و مش تیا برف باری نا گمان ءِ۔ وخت اس کہ پنجاپ نا میدانی علاقہ غاتیٹی شدید گوتلو/اسموگ دے و نن نا وخت آ کننگ نا گمان ءِ۔ یک شنبے نادے محکمہ نن و دوشنبے نادے بلوچستان اٹی جاگہ جاگہ وخت اس کہ سندھ اٹی گڑاس ہند آتیا ہورہ و گروک تون پِر انا گمان۔ دوشنبے آن چار شنبے اسکان خیبر پختونخوا، فاٹا، اسلام آباد،بڑزکو پنجاپ (راولپنڈی ، سرگودھا، گوجرانوالہ، لاہور ، فیصل آباد، ساہیوال ڈویژن) ، کشمیر ، گلگت بلتستان اٹی جاگہ جاگہ ہورہ وگروک تون پِر و مش تیا برف باری وخت اس کہ سویلی پنجاپ (ملتان ، ڈی جی خان ، بہاولپور ڈویژن) اٹی گڑاس ہند آتیا پِر انا گمان۔ شاری علاقہ غاتیٹی تالان مروک آ اسموگ برو ک آ ہفتہ پِر و درجہ حرارت اٹ کمتی نا سوب پدریسہ چٹک۔ بروک آ 48گھنٹہ ٹی کوئٹہ تون اوار بلوچستان، خیبر پختونخوا، فاٹا، اسلام آباد، بڑزکو پنجاپ(راولپنڈی ، لاہور، گوجرانوالہ، فیصل آباد، ساہیوال ڈویژن) کشمیر وگلگت بلتستان اٹی جاگہ جاگہ وخت اس کہ ڈی جی خان ، ملتان ، بہاولپور ، کراچی، لاڑکانہ ڈویژن اٹی گڑاس ہند آتیا ہورہ و گروک تون پِر و مش تیا برف باری نا گمان ءِ۔ گدرینگوک آ 24گھنٹہ ٹی ملک انا گیشتر علاقہ غاتیٹی پِرکتنے۔ وخت اس کہ پنجاپ نا میدانی علاقہ شدید گوتلو ولے سکھر ، ڈی آئی خان و پشاور ڈویژن گوتلو نا پلویڑ اٹ ئسر۔ یک شنبے نادے یخ انگا ہند آتا درجہ حرارت آن سکردو ٹی منفی 03، گلگت ، کالام ، استور 00 ڈگری سینٹی گریڈ ریکارڈ کننگا۔