ڈکھیا انسانیت نا خذمت اکن شرحالی ادارہ غاتا کڑد مسلمہ ءِ ، تہمینہ درانی فاؤنڈیشن نا کوشست آک ستاء کڑزرہ
چارسدہ۔ 11نومبر (اے پی پی) وزیراعظم پاکستان شاہد خاقان عباسی پارینے کہ ڈکھیا انسانیت نا خذمت اکن غیر سرکاری ادارہ غاتا کڑد مسلمہ ءِ وحکومت شرحالی سرجزآتیٹی اختہ این جی او تے ہروڑنا کمک و آسراتی تننگ ءِ، داخیال آتا درشانی ءِ او او ہفتہ نادے چارسدہ نا گونڈ ءُ دورہ سے ٹی تہمینہ درانی فاؤنڈیشن نا کنڈآن ’’دارالرحمت میڈیکل کمپلیکس‘‘ نا پوسکن آ بلاک نا بناء کننگ آن پد زرس ہیت وگپ کرسا کرے۔ داوخت آ گورنر خیبر پختونخوا ظفر اقبال جھگڑہ ہم ساڑی ئس۔ وزیراعظم شرحالی خذمت آتا بابت تہمینہ درانی فاؤنڈیشن نا کارکڑد نا ستاءِ کرساپارے کہ فاؤنڈیشن مچ آ لگن و خواری اتون تینا سرجزآتا مون آ دننگ نا چرجوئی ءِ برجاتخے تانکہ اونا بھرم آک نیزگار الس اسکان سرمننگ کیر،او پارے کہ داخیر انا کاریم اٹ فاؤنڈیشن ءِ حکومت نا ہروڑ کمک دوئی مریک۔ دود آن پد وزیراعظم پدی اسلام آباد آ رادہ مس۔
