وزیراعظم شاہد خاقان عباسی نا کاغان میموریل ٹرسٹ نا سالانہ دے انا دود آن تران

مانسہرہ۔ 11نومبر (اے پی پی) وزیراعظم شاہد خاقان عباسی پارینے کہ قومی کڑد سازی ٹی معیاری تعلیم اہم ءُ عنصر اسے ، طالب علم آک سرسہبی کن خواری و جانفشانی ءِ تینا شعار جوڑ کیر و نصابی و غیر نصابی سرجز آتیٹی جان جوڑ توازن ودی کیر۔ او ہفتہ نادے داڑے کاغان میموریل ٹرسٹ نا سالانہ دے انا دود اٹی استاد و لمہ و باوہ غاتیان تران کریکہ۔ اوپارے کہ استاد و لمہ و باوہ غاتیان تران کریکہ۔ اوپارے کہ استادو لمہ وباوہ ایلو گڑاتتون اوار اوار طالب علم آتا گچین کڑدسازی نا چکار کیر۔ اوعلاقہ ٹی معیاری تعلیم نا فراوانی آ ادارہ نا کوشست آتا ستاءِ کرے۔ داوخت آ وزیراعظم نا خصوصی کمکار ڈاکٹرمصدق ملک تران کرسا پارے کہ چناتا کنڈآن پیش کروک آ ٹیبلو اہم راجی ویل آتے مون آ تخاکہ و چناتا پت زہم کن ءِ۔ اوپارے کہ پاکستان نا آخبت ورنانسل نا دوٹی ءِ ہرا زموار و چندی چیلنج آتون مون تننگ کن لائخی تخرہ۔ اوکان پد وزیراعظم شاہد خاقان عباسی گوازی و تدریس اٹی نمان کڑد نشان تروک آ طالب علم آتیٹی انعام بشخ وپانٹ کرے ۔ داکان مست اسکول نا پرنسپل سالانہ رپورٹ ءِ پیش کرے۔