اسلام آباد۔ 11نومبر (اے پی پی) محکمہ موسمیات بروک آہفتہ ملک اٹی پِر انا پیشن گوئی و اسموگ نا چٹنگ نا گمان ظاہر کرینے۔ یک شنبے نانن و دوشنبے نا دے بلوچستان اٹی جاگہ جاگہ وخت اس کہ سندھ اٹی گڑاس ہند آتیا ہورہ و گروک تون پِر انا گمان ءِ۔ دوشنبے نادے آن چارشنبے اسکان خیبر پختونخواہ، فاٹا، اسلام آباد، بڑزکو پنجاپ (راولپنڈی ، سرگودھا، گوجرانوالہ، لاہور ، فیصل آباد، ساہیوال ڈویژن ) ، کشمیر ، گلگت بلتستان اٹی جاگہ جاگہ ہورہ و گروک تون پِر و مش تیا برف باری وخت اس کہ سویلی پنجاپ (ملتان ، ڈی جی خان، بہاولپور ڈویژن) اٹی گڑاس ہند آتیا پِر انا گمان ءِ۔ شاری علاقہ غاتیٹی تالان مروک آ اسموگ بروک آ ہفتہ پِر و درجہ حرارت اٹی کمتی نا سوب پدریسہ چٹک۔
