اسلام آباد ۔ 10 نومبر (اے پی پی) قومی احتساب بیورو (نیب) ئِ چیئرمین جسٹس (ر) جاوید اقبال ئَ پیسلہ کت کہ آ ھمک ماہ ئِ گڈی پنچ شمبے ئِ روچ ئَ دو بج ئَ بگر تاں4بج ئَ اُلس ئِ لٹ ئُُ پُل ئِ بابت ئَ اُلسی شکاست آنی وت گوشداری ئَ نیب ھیڈ کوارٹر اسلام آباد ئَ کنت، نیب ئِ کلانئیں کارندہ ھم اے موہ ئِ سر ئَ ساڑی اتنت۔ قومی کیاسگری بیورو ئَ توامیں شکاست کنوک آناں گوشت کہ آ وتی توامیں دزبندی آں مھکمیں ثبوت آنی گوما وتی راجی پجار کاٹ ئِ ھواری ئَ داتگیں وھد ئُُ پاس ئَ بیا اَنت۔ راجی کیاسگری بیورو ئِ چیئرمین جسٹس (ر) جاوید اقبال ئَ وتی پکوئیں لیکہ آنی درشان ئَ کنان ئَ گوشت کہ آ ”کیاسگری دُرستانی واستہ“ ئِ رھبند آنی سر ئَ کار کنت ئُُ کیاسگری کانود ئِ رد ئَ بوھگ ، گند گ ئَ پیداک بیت ئُُ اے رد ئَ اِچ زور ئُُ سپارش ئَ را برداشت کنگ نہ بیت۔
