اسلا م آباد۔10نومبر(اے پی پی) اسلام آبادمزن آمید گس ئَ سوشل ھال درئِ سرئَ بے شرپیں مواد ءِ شنگ کنگئِ سرئِ ھلاپءَ جم کتگیں دزبندی ئِ سرئَ بنجاھی پٹءُ پولی ادارگ( ایف آئی اے ) ئِ نیمگ ئَ چہ تاں انوں کتگیں گامگیجانی ئِ رپورٹ لوٹ اِتگ۔ جمعہ ئِ روچئَ مزن آمید گس جسٹس شوکت عزیز صدیقی ئَ مقدمہ گوشداشتگ۔ ایف آئی اے ئِ اسسٹنٹ ڈائریکٹر لیگل آمید گسئَ پیش بوتگ ءُ موقف وتی کتگ کہ ایف آئی اے ئَ ملزم دزگیر کتگءُ چالان ٹرائل کورٹ ئَ کتگ۔ جج ئَ ریمارکس داتگ کہ اگاں ھمگرنچیں ادارگ سوشل ھال در ئِ سرئَ بے شرپیں مواد ئِ شنگ کنگ ئَ را اگاں داشت کُت نہ کن اِت گڈا اے ادارگانی ھاترئَ اینچو بجٹ چیا ایر کنگ بیت۔ آمیدگسئَ پرمان داتگ کہ ڈی جی ایف آئی اے ھال بہ دنت کہ تاں انوں چینچو ملزم دزگیر کتگءُ چینچو ڈنی ملکئَ جستگ۔ آمید گسئَ پرمان داتگ کہ ملزم آنی انوگیں سٹیٹس ئِ رپورٹ آمید گس ئَ پیش کنگ بہ بیت۔ ایشی ئَ پد آمید گسئَ کیس ئِ گیش گوشدارگ 17نومبرئَ تاں مھتل کتگ۔
