اسلام آباد۔ 08نومبر(اے پی پی) سینٹ ئَ را ھا ل دیئگ بوتگ کہ پیسرگیں صدر، پیسرگیں مزن وزیرءُ پیسرگیں چیف جسٹس آناں سرجمی ئَ سکیورٹی پھجارینگ بیت، حکومت اے مردماں ھترہ ئَ چہ رکھینگئِ ھاترئَ سکیورٹی پھجارینگئِ بندوک اِنت۔ چارشمبے ئِ روچئَ ایوان بالائَ جُستءُ پُرسئِ وھدئَ سینیٹر فرحت اللہ خان بابرئِ جُستئِ پسوئَ تہی کارانی وزیر طلال چوہدری ئَ ایوانئَ را ھال داتگ کہ پیسرگیں صدر ئَ یک سب انسپکٹر/اے ایس آئی ءُ چار آئیءِ دستئِ چیری ءُ دو گاڑی آنی سکواڈ پھجارینگ بیت وھد ے کہ پیسرگیں مزن وزیر ئَ را ھم ھمے وڈئَ سکیورٹی پھجارینگ بیت۔ ریٹائرڈ چیف جسٹس آنی لوگاں شپءُ روچ یک گن مینئِ سکیورٹی پھجارینگ بیت۔ چیئرمین جوائنٹ چیفس آف سٹاف کمیٹی ءُ سئیں سروسز چیفس آنی ریٹارمنٹئَ پد سکیورٹی ئِ پھجارینگ دیمپانی وزارتئِ زمہ واری اِنت۔
