اسلام آباد۔08نومبر(اے پی پی) سینٹ ئَ راھال دیئگ بوتگ کہ طالبان رہنما ملا اختر منصور ئَ را دروگیں راجی پجّار کاٹ ءُ پاسپورٹ جاری کنوکیں اہلکار آنی ھلاپئَ کاروائی کنگ وتگ، یک ڈپٹی اسسٹنٹ ڈائریکٹرئَ را ملازمتئَ چہ ھلاس کنگ بوتگ، بازیں اہلکارے ھم دزگیر کنگ بوتگ۔ چارشمبے ئِ وچئَ ایوا ن بالا ئَ جُستءُ پُرس ئِ وھدئَ سینیٹر فرحت اللہ بابر، اعظم سواتی ، کامل علی آغا ءُ دگہ باسکانی جُستانی پسوئَ تہی کارانی وزیر ئَ ایوان ئَ را ھال داتگ کہ ملا اختر منصور ئَ را محمد ولی ئِ نام ئَ چہ راجی پجّار کاٹ جوڈ کنگءُ دیئگ بوتگ۔ ایف آئی اے ئَ اے وئیل ئِ ھوالگئَ چہ یک ایف آئی آر ھم درج کتگءُ اے ھوالگئَ بازیں مردمے دزگیر کنگ بوتگ کہ ایشیئِ عبوری چالان آمید گسئَ پیش کنگ بوتگ۔ بازیں ملزم ضمانتئِ سرئَ یل بوتگ اَنت۔ آئیئَ گشتگ کہ اے وئیل ئَ چہ پد 65ہزار راجی پجّار کاٹ بند کنگ بوتگ اَنتءُ راجی پجّار کاٹ ئِ تچکئَ تچک معلوم داری زورگئِ مزنیں مہم ئِ بندات کنگ بوتگ۔
