اسلام آباد۔08نومبر(اے پی پی) راجی اسمبلی ئِ اسپیکر ایاز صادق ئَ گشت گشتگ کہ نوکیں حلقہ بندی آنی ھاترئَ درکاریں آئینی ترمیم ئِ سرئَ تپاک کنگ نہ بوتگ۔ چارشمبے ئِ روچئَ وتی سروکیئَ مزن گسی رھشونانی دیوانئَ پد ھال در شونشت ئِ تہا اسپیکر ایاز صادق ئَ گشتگ کہ دراھیں مزن گسی رھشوناں اے گپ ئِ سرئَ تپاک کتگ کہ گچین کاری مھتلیئِ آماچ مہ بنت۔ دیوان ئِ تہا شاہ محمود قریشی ، شیخ رشید ، صاحبزادہ طارق اللہ ، شیخ صلاح الدین ، ایس اقبال قادری، اعجاز الحق، نعیمہ کشور ، روبینہ خالد، طارق بشیر چیمہ ءُ الیکشن کمیشن ئِ سیکرٹری بابر یعقوب فتح ئَ دیوانئَ ھوار بوتگ۔ دیوانئِ تہا ھم نوکیں حلقہ بندی آنی آئینی ترمیم بلئِ سرئَ چارءُ بچار کنگ بوتگ بلے دیوان ایچ نتیجگئَ سرنہ بوتگءُ ھلاس بوتگ۔ الیکشن کمیشن ئِ ایڈیشنل سیکریٹری ظفر اقبال ئَ دیوان ئَ ھال داتگ کہ ووٹرز لڑ ووٹرئِ ھک اِنت کہ ووٹرئَ را الم ئَ دیئگ بیت، مردم شماریئَ پد گچین کاری نوکیں حلقہ بندی آنی ردئَ بوھگ آئینی ضلورت اِت، گچین کاری 2018نوکیں ووٹرلڑانی حلقہ بندی آنی ردئَ بہ بیت۔ تحریک انصاف ئِ رہنما شاہ محمود قریشی ئَ گشتگ کہ انچو سماءبیت کہ پیپلز پارٹی تکانسری ھلا س نہ بنت ءُ کورم ئِ جیڑھ ھم است اِنت ترمیمئِ جیڑھ ھم گیشءُ گیوار بوھگئَ نہ اِنت۔
