اسلام آباد۔ 07 نومبر (اے پی پی) وزیراعظم شاہد خاقان عباسی تون جہانی فنڈ کشاری شونداری (آئی ایف اے ڈی ) روم انا ڈائریکٹر (جہانی رابطہ ) اشوانی کے موٹھو سے شنبے نادے وزیراعظم آفس اٹ اوڑدہی کرے۔ اووزیراعظم ءِ 1978 ء آن پاکستان اٹی آئی ایف اے ڈی نا بناکروک ڈٹ آتا بارواٹ معلومدار کرسا پارے کہ گدرینگوک آ 40 سال اٹی آئی ایف اے ڈی پاکستان اٹی کشت وکشار، دیہی شونداری و نیزگاری نا چٹفنگ نا بشخ آتیٹی (اسیجائی فنانسنگ تون اوار ) 2.2 ارب ڈالر مالیت نا ڈٹ آتیا عملدرآمد کرینے۔ وزیراعظم پاکستان اٹی آئی ایف اے ڈی نا کاریم نا ستاءِ کرسا اودے پاکستان خاص کر بلوچستان اٹی ٹیوب ویل آتے شمسی توانائی آن چلیفنگ نا گمان نا جاچ ءِ ہلنگ نا سلہ خلک۔ اشوانی کے موٹھو وزیراعظم ءِ دا سیمینار نابارواٹ پارے ہر اآئی ایف اے ڈی موسمیاتی بدلی نا زہم و پاکستان کون آ ملک آتیٹی موسمیاتی بدلی نامنفی زہم آتے کم کننگ کن اختیار کروک وڑوڈول آتا جاچ اکن بروک آ سال پاکستان اٹی اڈ ترفنگ نا ارادہ تخک۔
