اسلام آباد۔ 07 نومبر (اے پی پی) وزیراعظم آزاد کشمیر راجہ فاروق حیدر خان سے شنبے نادے داڑے صدر آزاد کشمیر سردار محمد مسعود خان تون ایوان صدر اٹی اوڑدہی کرے۔ اوڑدہی ٹی ہڑتوم آ راہشونک مقبوضہ کشمیر اٹی انسانی حق انا بگڑینگوک آ حالیت آتیا خیال آتا درشانی ءِ کرسا پاریر کہ دنیا ءِ کشمیری تا حق خودارادیت نا بنداوی حق آن معلومداری کن تینا کوشست آتے برجاتخنہ۔ اوڑدہی ٹی آزاد کشمیر اٹی جاری شونداری ڈٹ و حکومتی معاملہ غاتون تعلقدار معاملہ غاتیا ہم خیال آتا درشانی ءِ کننگا۔ صدر مسعود خان لین آف کنٹرول آ بھارتی فورس آتا کنڈآن ساڑی آ گولہ باری نا مذمت ءِ کرسا پارے کہ بھارت نا کنڈآن سیز فائر معاہدہ نا پدریسہ خلاف ورزی کننگ انگ ءِ و اینخو سال 1150 وار اونا خلاف ورزی ءِ کننگا، پاکستان نا سلہہ بند فوج اونا پبی ورندی ءِ تننگ ءُ۔ اوپارے کہ نن بھارتی فوج ءِ دانا موکل تفنہ کہ او سول آبادی ءِ نشانہ جوڑ کے۔ وزیراعظم صدر ءِ تینا ساڑی آ دورہ عباس پور آن معلومدار کرے۔
