سی پیک ملکئِ بھت ئَ را مٹ کنگءُ معاشی آشوبے آروکیں منصوبہ اِت کہ ایشی ئَ چہ بے روزگاری ھلاس ءُ صوبہ ئِ تہا نوکیں دورئِ بندات بیت، زالبولانی شرپءُ عزت قبائلی دود ءُ ربیدگ اَنت، نواب ثناءاللہ خان زہری ئَ اے دودءُ ربیدگئَ را شاھگانی داتگ
کوئٹہ ۔07نومبر(اے پی پی) پاکستان مسلم لیگ(ن) ئِ رہنما ءُ معدنیاتءُ معدنی ئِ صوبائی صلہ کار حاجی محمد خان لہڑی ئَ گشتگ کہ سی پیک ملک ئِ بھتئَ مٹ کنگءُ معاشی آشوبے آروکیں منصوبہ اِت کہ ایشی ئَ چہ بے روزگاری ھلاس بیت ءُ صوبہ ئِ تہا نوکیں دورے ئِ بندات بیت۔ زالبولانی شرپءُ عزت قبائلی دودءُ ربیدگ اِت نواب ثناءاللہ خان زہری ئَ اے دودءُ ربیدگئَ را شاھگانی داتگ۔ اے ھیالانی درشانی آئیئَ ”اے پی پی“ ئَ گوں گپءُ تران کنانئَ کتگ۔ آئیئَ گشتگ کہ مسلم لیگ(ن) پاکستان ئِ جوڈ کنوکیں گل اِتءُ مسلم لیگ(ن) پاکستانئِ تہا راستیں دیمروئی ئِ ھاترئَ مھکمیں گامگیج چست کتگءُ پاکستانئَ را معاشی ٹائیگر جوڈ کتگ، ملک ئِ تہا امنءُ ایمنی ئِ جوڈ کنگءُ گران بہائیئِ ھلاس انوگیں حکومت ئِ جوانیں کرد اِت۔ آئی ئَ گشتگ کہ مسلم لیگ(ن) ئِ حکومت ئَ امنءُ ایمنی جوڈ کتگءُ توانائی ئِ پدمنتگی ھلاس کتگءُ پاکستانئَ را دیمروئی ئِ کشک ئَ رھادگ کوتگ ۔
