اسلام آباد۔07نومبر (اے پی پی) ملک ئِ صدر ممنون حسین ئَ گشتگ کہ پاکستان وتی جغرافیائی محل و قوع ئِ سوب ئَ خط ئِ اقتصادی سُر ءُ پُرآنی ابرمی بنجاھ اِنت کہ ایشیءِ سوبمندی ئِ ھاترئَ پاکستان ئَ بینک آف چائنا ئِ آپریشن ئِ بنگیج یک راج دپتری گامگیج اِت کہ ایشی ئِ حکومت پاکستان دل ئِ جہلانک ئَ وش اَتک کنت۔ صدر ئَ اے گپ پاکستان ئَ بینک آف چائنا ئِ آپریشنز ئِ بنگیج کنگ ئِ مراگش ئَ گوں تران کنان ئَ کتگ۔ آئی ئَ ایشی ئَ پد بینک ئِ دیم درائی کتگءُ بینک ئِ آپریشنز ئِ ھم بنگیج کتگ۔ مراگش گورنر اسٹیٹ بینکک طارق باجوہ، چین ئِ جوڈ قائم مقام سفیر جاﺅ جے اون ءُ بینک آف چائنا ئِ چیئرمین چن سے کنگ ئَ ھم تران کتگ۔ صدر ئَ گشتگ کہ بینک آف چائنا پاک چین اقتصادی راہداری ئِ اے راج دپتر ئِ راستیں درشانی اِنت کہ پاکستا نءُ چین ئَ وتی اے خطہ ئِ بھت مٹ کنگئِ ھاترئَ کہ یکجائی واب دیستگ بوتگ آ راستی ئَ دیمئَ پیداک اِنت۔ آئی ئَ گشتگ کہ پاک چین اقتصادی راہداری منصوبہ ئِ برورد زوت اُلس ئَ سر بوھگ بندات بنت کہ ایشی ئِ نتیجگئَ دوھیں ملک آنی درنیامئَ جوشءُ جزبگی سیاسی ءُ اقتصادی سیادی ئِ تہا گیشی کیئت۔ صدر ئَ گشتگ کہ پاکستان زرکاری کنگئِ ھاترئَ جوانیں ملک اِت کہ ایشی ئَ چہ ھندی ءُ میاں اوستمانی زرکار پاھدگ چست بہ کن اَنت۔ بینک آف چیئرمین چن سے کنگ ئَ گشتگ کہ پاکستانءُ چین اقتصادی ر اہداری ئِ وسیلگئَ سرجمیں خطہ ئِ وشھالی ئِ ھاترئَ ھاترئَ کار کنگ ئَ اِنت وھدے کہ چین ئِ قائم مقام سفیر ئَ گشتگ کہ پاکستانئِ معیشت ئِ تہا گشادی ئِ گوما گہتری پیداک اِنت۔ بینک آف چائنا ئِ چیئرمین چن سے کنگ ئَ وتی گوشتانک ئِ گڈی ئَ بابائے راج قائداعظم محمد علی جناح ئَ را داد سلام پیش کتگءُ گشتگ کہ آئی ئَ گشتگ بوتگ کہ دیمروئی ءُ وشھالی ئِ منزل یکوئی ئَ چہ حاصل کنگ بنت۔ پاکستان ءُ چین اقتصادی راہداری ئِ سوبمندی ئِ ھاترئَ آئی ءِ تعلیمات ئِ سرئَ عمل کنگئَ اَنت۔ صدر ئَ بینک آف چائنا ئَ را پاکستانئِ تہا تچک ئَ تچک بیپار بندات کنگئَ مراد بات داتگءُ اُمیت ئِ درشانی کتگ کہ دوھیں ملک آنی درنیامئَ اے بینک نزیکی ئَ را گیش مھکم کنگئَ وتی کردئَ پیلو کنت۔
