سپیکر قومی اسمبلی سردار ایاز صادق ئِ سروکی ئَ پارلیمانی سروک آنی دیوان، ”حلقہ بندی“ آنی بابت ئَ ’ دستور‘ ئِ تہ ئَ کانودی مٹ ئُُ بدلی ئِ سر ئَ چار ئُُ تپاسی گرگ بوت
اسلام آباد۔ 07 نومبر (اے پی پی) سپیکر قومی اسمبلی سردار ایاز صادق ئِ سروکی ئَ پارلیمانی سروک آنی دیوان سئے شمبے ئَ اِدا برجم دارگ بوت ایشی ئِ تہ ئَ نوکیں ”حلقہ بندی“ آنی بابت ئَ ”دستور“ ئِ تہ ئَ کانودی مٹ ئُُ بدلی آنی سر ئَ چار ئُُ تپاسی گرگ بوت۔ دیوان ئَ 2017ئِ مردم شماری ئِ بنداتی آسرآنی رد ئَ نوکیں ”حلقہ بندی“ آنی سر ئَ شور ئُُ ماشور کنگ بوت۔ دیوان ئَ پیپلز پارٹی ئِ پارلیمانی لیڈر سیدّ نوید قمر، جمعیت علماءاسلام (ف) ئِ ملک امیر زمان، شیخ رشید احمد، مسلم لیگ (ن) ئِ نیمگ ئَ چہ خواجہ سعد رفیق، لیفٹیننٹ جنرل (ر) عبدالقادر بلوچ، زاہد حامد ئَ ابید الیکشن کمیشن، وزارت ئِ کانود، وزارت ھساب کتاب، نادرا ئُُ ایندگہ سیادی داروکیں ادارگ آنی ٹوھیں کارندہ آں ھم بھر زوری کت۔ دیوان (باندا) چار شمبے ئِ روچ ئَ 11کلاک ئَ دووارگ سپیکر قومی اسمبلی سردار ایاز صادق ئِ سروکی ئَ برجم دارگ بیت۔
