اسلام آباد۔07نومبر(اے پی پی) منصوبہ بندی ءُ دیمروئی ئِ وزارتئَ سرکاری پڑئِ دیمروئی پروگرام آنی تہا فنانس ڈویژن ئِ دیمروئی منصوبہ آنی ھاترئَ مُچ تاں انگت یک ارب 44کروڑ98لکھ کلدارئَ چہ گیش فنڈز جاری کتگ، حکومت ئَ اے ڈویژن ئِ دیمروئی کارانی ھاترئَ 20ارب 14کروڑ کلدارئَ چہ گیش ئِ فنڈ ایر کتگ۔ پلاننگ کمیشن ئِ نیمگئَ چہ جاری کتگیں کچءُ کساس ئِ ردئَ حکومت ئَ تھرپارکر ئَ 100میگاواٹ پاور پلانٹ ئِ ھاترئَ 30کروڑ، فنانس ڈویژن ئِ تہا ادارہ جاتی اصلاحات ئِ ھاترئَ یک کروڑ، اسلام آبادئَ آڈٹ گسئَ تعمیراتی کارانی ھاترئَ 15کروڑ، سی ڈی این ، ایس پروجیکٹ ئِ ھاترئَ 7کروڑ 93لکھ، پتوکی ئَ فلائی اوور ئِ جوڈ کنگئِ ھاترئَ 25کروڑ، ننکانہ ئَ پل ءُ دگانی جوڈ کنگ ئِ ھاترئَ 13کروڑ 73لکھ، پھول نگر ئِ تہا دیمروئی کارانی ھاترئَ30کروڑ کلدار ئَ ھوار بازیں دیمروئی منصوبہ ھاترئَ فنڈ جاری کنگ بوتگ۔
