پاکستان ئَ ھوار دگہ ملک آنی دیمروئی ئِ عمل ئِ تہا پولینڈ ئِ ھوار بوھگ ستاھ کرز ایت، دوھیں ملک آنی درنیامئَ نزیکیانی تہا گیشی یک دومی ئِ کمک ءُ سیادی ئِ وسیلگ جوڈ بیت
اسلام آباد۔06نومبر(اے پی پی) ملک ئِ صدر ممنون حسین ئَ پولینڈ ئَ را توانائی، زراعت ءُ فوڈ پوسیسنگ ئَ ھوار دگہ پڑآنی تہا زرکاری ءُ یکجائی منصوبہ بندات کنگ ئِ صلہ جتگ ءُ اُمیت درشان کتگ کہ دوھیں ملک آنی مزن گسی باسک، بیپارءُ اُلس ئِ درنیامئَ نزیکی ئِ تہا گیشی دونیمگی کمک ءُ سیادی ئَ را گیش کنگئِ وسیلگ جوڈ بیت۔ ملک ئِ صدر ئَ اے گپ پولینڈ ءسینٹ ئِ مارشل سٹیلا کارزپوسکی ئَ گوں گپءُ تران کتگءُ گشتگ کہ آھاں دوشمبے ئِ روچئَ وتی ڈل ئِ ھمرائی ئَ ایوان صدر ئَ گند ءُ نند کتگ۔ اے موھئَ سینیٹئِ چیئرمین میاں رضا ربانی ، سینیٹر گیان چند، پاکستان ئِ تہا پولینڈئِ سفیر ءُ مزنیں حکام ھم ساڑی بوتگ اَنت۔ ملک ئِ صدر ئَ مارشل سٹیلائَ را وش اَتک کتگءُ گشتگ کہ پاکستان ئِ اُلس سکیں مہمان دوست ءُ پولینڈئِ جوانیں دوست اَنت۔ آئیئَ گشتگ کہ پاکستانئَ ھوار دگہ ملک آنی دیمروئی عمل ئِ تہا پولینڈ ئِ ھوار بوھگ ستاھ کرز ایت۔ صدر ئَ یورپی یونین ئِ نیمگئَ چہ پاکستان ئَ را جی ایس پی پلس ئِ درجگ دیئگ ئِ ھوالگئَ کمک کنگءَ شگرءُ منت گپتگءُ اُمیت درشانی کتگ کہ بانداتئَ دوھیں ملک آنی درنیامئَ کمک جاری بیت۔ ملکئِ صدر ئَ گشتگ کہ دوھیں ملک آنی درنیامئَ دونیمگی بیپاری گنجاش ئَ چہ باز کم اِنت کہ ایشیئِ تہا گیش گیشی کنگ بیت، اے ھوالگئَ بیپاری ڈل ئِ یکے دومی ئِ ملک ئَ دیم دیئگ بہ بیت۔ آئی ئَ وانگءُ زانگ، دودءُ ربیدگءُ سائنس ءُ ٹیکنالوجی ئِ پڑئَ چہ سیادی داروکیں زانتکارانی ڈل ئِ یکے دومی ئِ ملکئَ دیم دیئگ ئِ سوج ھم داتگ۔ اے موھئَ پولینڈ ئِ مارشل آف سینیٹ ئَ گشتگ کہ پولینڈ پاکستان ئِ بازیں پڑآنی تہا کمک ئَ را گیش کنگئِ واھشت مند اِنت۔ آئیئَ پولینڈ ئِ سلامتی کونسل ئِ تہا باسکی ئِ ھوالگئَ پاکستانءِ ھمراھ داری کنگئِ شگرءُ منت گپتگ۔
