پاکستان پولینڈ ئِ گوما وت مہ وتی کمک ئُُ راجدپتری یکوئی ئَ گوں شرپ ئَ چار ایت
کشمیر ئِ بابت ئَ اقوام ئِ متحدہ ئِ منوگر آنی ھمبراھ داری ئَ کناں، سٹینسلا کرزوسکی
اسلام آباد ۔ 06 نومبر (اے پی پی) چیئرمین سینیٹ میاں رضاربانی ئَ گوشت کہ پاکستان پولینڈ ئِ گوما کمک ئُُ راجدپتری یکوئی ئَ را شرپ مندیں نگاہ آں چار ایت ئُُ واھشت دار ایت کہ وت مہ وتی اقتصادی شوبگ ئُُ تجارتی پڑ ئَ کمک ئِ وسیلگ آناں گیش کنگ بہ بنت۔ چیئرمین سینیٹ ئَ اے ھیالانی درشانی پولینڈ ئِ سینیٹ ئِ مارشل سٹینسلا کرزوسکی ئِ سروکی ئَ پاکستان ئِ تر ئُُ تاب ئَ 10 باسکی پارلیمانی ٹولہ ئَ گوں پارلیمنٹ گس ئَ گند ئُُ نند ئِ ساھت ئَ کت۔ چیئرمین سینیٹ ئَ ٹولہ ئَ را وش اتک کنان ئَ پولینڈ ئِ مزن تک ئِ ٹولہ ئِ تر ئُُ تاب اے گپ ئَ سہرا کنت کہ پولینڈ پاکستان ئِ گوما وتی یکوئی ئَ را گوں شرپ مندی ئَ چار ایت ئُُ اے تر ئُُ تاب ئِ ساھت ئَ صدر ئِ مملکت، مزن وزیر ئُُ ایندگہ مزن تک ئِ گند ئُُ نند آں چہ سہرا بیت کہ پاکستان ھم پولینڈ ئَ را یک ٹوھیں ارزسشت کرزیں ملک ئِ پھم ایت۔ گند ئُُ نند ئِ تہ ئَ دوئیں سروک آں پارلیمانی ٹولہ ئِ ھیال ریچی ئَ را گیش ودینگ ئُُ پارلیمانی سفارتکاری ئِ وسیلگ ئَ کمک ئِ نوکیں کشک آناں وش ئُُ آسودگ کنگ ئِ سر ئَ زور پر دات۔ آئی ئَ گوشت کہ پارلیمانی دوستی گروپ آناں گیش آسودگ ئُُ آسراتی دیگ ئِ سر ئَ زور پر دات ئُُ گوشت کہ پاکستان ئُُ پولینڈ ئَ ھمک میاں اوستمانی فورم ئَ یک ئِ دومیگ ئِ لیکہ ئَ را ساڑات ئُُ شرپ داتگ، نوں دوئیں ملک آنی نیام ئَ بازیں شوبگ آنی تہ ئَ 9 یاتگیری آنی سر ءَ دست چنگل جنگ بوتگ، دیمپاننی شوبگ ئِ تہئَ دیمروئی ھم بوھگ ئَ اِنت۔ آئیئَ اقوام ئِ متحدہ ئِ بنی آدمی ھک ئِ کمیٹی ئَ پاکستان ئِ باسکی ئِ سر ئَ پولینڈ ئِ شگر گپت۔ پولینڈ ئِ ٹولہ ئِ سروک ئَ دل یکیمی دات کہ پولینڈ کشمیر ئِ درگت ئَ اقوام ئِ متحدہ ئِ منوگری آنی کمک ئَ کنت چیا کہ پولینڈ ئِ سول ئُُ تران ئِ سر ئَ اے جیڈھ ئِ گیواری ئَ لوٹ ایت۔ آئی ئَ گوشت کہ پارلیمانی تک ئَ ڈئیلاگ ئَ چہ وت مہ وتی ئَ را دیمروئی رسیت۔ پارلیمنٹ ئَ سر بوھگ ئَ ٹولہ ئَ ”یاتگیر ئِ جمہوریت“ ئِ سر ئَ ھازری دات ئُُ جمہوریت ئِ واستہ کربانی دیوک آنی ھاترا سلام پیش کت وھدیکہ ”دستور دمک“ ئِ ھم تر ئُُ تاب کت ئُُ پاکستان ئِ پارلیمانی ئُُ کانودی راجدپتر ئِ سر ئَ سرجمی ئَ بریفنگ ھم دیگ بوت۔ ایشی َ پد ٹولہ ئَ سینیٹ ئِ لائبریری ھم چار اِت ئُُ سینیٹ سیکرٹریٹ ئِ نوکیں گامگیج آناں ساڑات۔ چیئرمین سینیٹ ئَ ٹولہ ئَ را سبارگ ئِ دعوت ھم دات۔
