اسلام آباد ۔ 05 نومبر (اے پی پی) توکی کارانی بنجاہی وزیر احسن اقبال ئَ گوشت کہ پی ٹی آئی سینٹ ئِ گچینکاری ئِ ھوالہ باز پریشان انت ئُُ نہ لوٹگ انت کہ پاکستان مسلم لیگ (ن) اے گچینکاری ئَ سوبمند بیت چیاکہ آں سرپد انت کہ اگاں سینیٹ ئِ اے گچینکاری ئَ ھم مسلم لیگ (ن) سوبمند بوتگ پدا لس گچینکاری ئَ پاکستان تحریک انصاف ئَ پہ اڑاند پیدا بیت۔ عمران خان اینڈ کمپنی اے ھاترا ملک ئَ اے رنگیں ڈنگی ئُُ ردیں بحران پیدا کنگ لوٹگ انت چریشی ئَ ملک ئَ وھد ئَ چہ پیشا الیکشن ئِ راھ پچ بیت بلے آں بے سوب بنت ئُُ ملک ئَ لس گچینکاری وتی آئینی وھد ئَ برجم بنت۔ملک ئَ وھد ئَ چہ پیشا گچینکاری ئِ گپ عمران خان ئَ اول ھم جتگ اے ھاترا آہانی جہد انت کہ آووکیں سال مارچ ئَ بیوکیں سینٹ ئِ گچینکاری ئَ اڑاند پیدا کنگ بیت،ہمے سبب ئَ ایشانی اُلسی مچی ئَ ترندی اتکگ۔ پاکستان تحریک انصاف دھرنا تھری سینیٹ ئِ گچینکاری ئَ را دارگ لوٹگ انت۔
