اسلام آباد۔ 04نومبر (اے پی پی) صدر آزاد و جموں و کشمیر سردار مسعود خان پارینے کہ مسلمان تا برخلاف بھارت نا تعصب نا حقیقت داہیت آن صاف مریک کہ او روہنگیا مسلمان تا خون ءِ کروک آ میانمر حکومت نا مخ تفی ءِ کننگ ءِ، و او برماآن لس خون نا سوب ہجرت کروک آ باہوٹ آتے کن تینا سیم ءِ بند کرینے۔ مظلوم کشمیری تتون عملی گام گیج آتا کمک اٹ اظہار یکجہتی کے و کشمیر اٹی بھارت نا کنڈآن کروک آ دہشت گردی ، بربریت ، کشت وخون و بیدادی آن دنیا ءِ معلومدار کے۔ ہفتہ نادے داڑے رسینگوک آ پریس ریلیز نا رداٹ اوجہانی ادارہ تنظیم الاسلام نا کنڈآن تدوک آ دے لاہور اٹی حضرت مجدد الف ثانی نا نظریہ اسلام و اسلام کن اونا کارہائے نمان نا سرحال آن اڈ ہلوک آ سیمینار آن تران کرسا پارے کہ دوقومی نظریہ نا اہمیت ہم ہموخس ءِ ہراخس کہ سال 1947 ء ٹی ئس۔ اوپارے کہ حضرت مجدد الف ثانی سویلی ایشیاٹی اولیکو اسلامی تحریک نا سرکڑدہ ہی کرے و دوقومی نظریہ نا بنداو ءِ تخا۔
