نواز شریف احتساب عدالت اٹ پیشی آن پد لاہور آ کاہک ہراڑے او سیاسی راہشون آتون اوڑدہی و سلابت کیک، اسحاق ڈار ہسپتال اٹی دارودرمان مننگ ءِ و اینو پگہ ٹی معلوم مریک کہ او ہراوخت آ پاکستان آ بریک
اسلام آباد۔ 03نومبر (اے پی پی) وزیر مملکت کیڈ طارق فضل چوہدری پارینے کہ مسلم لیگ (ن) نا صدر و مسکوہی وزیراعظم محمد نواز شریف احتساب عدالت اٹ پیشی آن پد لاہور آکاہک ہراڑے او سیاسی راہشون آتون اوڑدہی و سلابت کیک۔ جمعہ نادے احتساب عدالت نا پیشن میڈیا تون ہیت وگپ کرسا ڈاکٹر طارق فضل پارے کہ عدالت عدلیہ ہر مسٹ آ ریفرنس آتے یکجا کننگ نا ہرافیصلہ ءِ تسوسس اوناوڑ دا یکجامریرہ۔ بیگم کلثوم نواز نا ناجوڑی و نواز شریف نا لندن آ پدی ہِننگ نا بابت سوج آ وزیر مملکت نا پاننگ ئس کہ ننے اومیتءِ کہ بیگم کلثوم نواز نا جان جوڑی نا بارواٹی جوان ءُ خبر بریک ، اونا طب مست آن بھاز جوان مننگ ءِ و اگہ ضرورت مس تو نواز شریف ضرور لندن آ کاہک۔ طارق فضل چوہدری نا اسحاق ڈار نا طب انا بارواٹی سوج انا ورندی ٹی پاننگ ئس کہ اسحاق ڈار ہسپتال اٹی دارودرمان مننگ ءِ و اینو پگہ ٹی معلوم مریک کہ او ہراوخت آ پاکستان آ بریک۔
