اسلام آباد۔ 03نومبر (اے پی پی) وزیراعظم نا سلاہکار قومی تاریخ و ادبی میرات عرفان صدیقی پارینے کہ ورناخطاط آتا است بڈی ءِ کننگ کن اسہ جامع پروگرام اس وضع کننگ انگ ءِ۔ داچرجوئی نا بناء زوت ورناتا نیام اٹ خطاطی نا اسہ قومی ءُ مقابلہ سے آن کننگ انگ ءِ۔ داہیت ءِ او سرینا ہوٹل ساؤتھ اینڈ سینٹرل ایشیاء نا چیف ایگزیکٹو آفیسر عزیز بولانی تون ہیت وگپ کرسا پارے ہرا جمعہ نادے عرفان صدیقی نا دفتر اٹی اوڑتون اوڑدہی کرے۔ عزیز بولانی دارداٹ تینا پبی کمک نا پیش کش کرسا پارے کہ ورناتا داقومی مقابلہ خطاطی ٹی اوفتے قومی تاریخ و ادبی میرات ڈویژن تون باضابطہ اشتراک کرسا خوشی محسوس مریک۔ عرفان صدیقی عزیز بولانی نا منت واری ءِ ہرفسا پارے کہ فنون لطیفہ نا مون آ دننگ و پاکستان نا حقی تشخص ءِ تالان کننگ کن حکومت و پرائیویٹ سیکٹر نا تین پہ تینی کمک جوان ءُ نتیجہ اس ودکی کننگ کیک۔ اوپارے کہ ادارہ فروغ قومی زمان نا کنڈآن خطاطی نا بشخ انا تنظیم نو کننگ انگ ءِ ہراڑآن ہندی تعلیمی ادارہ غاتا ورناک فائدہ ہرفنگ کیرہ۔
