اسلام آباد۔ 03نومبر (اے پی پی) مسلم لیگ (ن) نا صدر و مسکوہی وزیراعظم محمد نواز شریف پارینے کہ ای پہہ مفرہ کہ انت اسے کن پیشی تننگ اُٹ، انت کنے ملک آن دہشت گردی و لوڈشیڈنگ ءِ چٹفنگ نا سزاتننگ انگ ءِ۔ نجی ٹی وی چینل نا رپورٹ نا رداٹ جمعہ نا دے احتساب عدالت نا کارروائی بناء کننگ آن مست عدالت نا کمرہ ٹی میڈیانمائندہ غاک نواز شریف آن سوج کریر کہ اینو 3نومبر ءِ و ہندا دے ہی پرویز مشرف نا کنڈآن ایمرجنسی خلنگاسس، نی عدالت اٹی اُس و پرویز مشرف پیشن نا ملک اٹی ءِ، دابارواٹی نی انت پاسہ۔ داڑآ نواز شریف پارے کہ ہراحالیت داسہ ءِ ، داڑآن کنے ہندن لگک کہ کنے سی پیک نا زرکاری و کراچی ٹی امن اتنگ نا سزا تننگ انگ ءِ۔ اوپارے کہ ای انتس کہ کرینٹ او غٹ انا مون آٹی ءُ ، ای ہچ پہہ مفرہ کہ انت اکن پیشی تننگ اُٹ، انت دا کرپشن کیس اسے، کس اسے آن کک بیکس ہلکٹ یا ٹھیکہ ٹی پیسہ ہلکٹ؟ اوپارے کہ نن پاکستان نا معیشت ءِ سہی کرین ہراڑآن ملک اٹی ریکارڈ شونداری مس۔ اوپارے کہ اسٹاک ایکسچینج تاریخ اٹی وخت اس کہ داخہ بڑز کہول آ انتنے۔ او آصف زرداری نا بابت ہیت کرسا پارے کہ او او پین اسٹ ءِ خوش کننگ کن کنے کرینگ تننگ ءِ۔
