نواز شریف ناانصافی نا نظام تون مون تننگ اٹی ءِ، بیگم کلثوم نواز نا ناجوڑی نا ہم خیال ءِ کننگ تو، اودے ملک آن لوڈشیڈنگ نا چٹفنگ نا سزا تننگ انگ ءِ
اسلام آباد۔ 03نومبر (اے پی پی) بنجائی وزیر خواجہ سعد رفیق پارینے کہ نواز شریف ناانصافی تون مون تننگ اٹی ءِ ، اودے ملک آن لوڈشیڈنگ نا چٹفنگ نا سزا تننگ انگ ءِ۔ جمعہ نا دے احتساب عدالت نا پیشن میڈیا تون غیر رسمی ہیت وگپ کرسا خواجہ سعد رفیق پارے کہ ای دانظام ءِ ہی نا انصافی پاوہ، بیگم کلثوم نواز نا ناجوڑی نا ہم خیال ءِ کننگ تو، نواز شریف ءِ اُرائی نا طب انا ناساز مننگ نا سوب وار وار لندن آ ہنوئی تمک۔ دااوڑتون سخت بیدادی اسے۔ اوپارے کہ نواز شریف کن داپوسکن ءُ ہیت اس اف، اودے مہالو ہم عدالت آتیان نابود کننگا، بندی نا سزا تننگا۔ دروغ انا مقدمہ جوڑ کننگا، ولے اوغٹ انا باوجود نواز شریف پاکستان نا جمہوریت تون عشق کیک و پاکستانی تا جمہوریت آن عشق ءِ چٹفنگ مفک۔
