اسلام آباد۔ 03نومبر (اے پی پی) وزیر مملکت کیڈ ڈاکٹر طارق فضل چوہدری پارے کہ اسلام آباد اٹی کولا غان چلینگوک آ پاور پلانٹ نا ہچ ءُ ڈٹ اسے آ سجفنگ پننگ ءِ ۔ جمعہ نا دے ایوان بالا ٹی وقفہ سوج آتیٹی سینیٹر کرنل (ر) طاہر حسین مشہدی نا سوج انا ورندی ٹی وزیر مملکت کیڈ ڈاکٹر طارق فضل چوہدری پارے کہ سی ڈی اے نا مسکوہی چیئرمین نا کنڈآن اسلام آباد اٹی کولا غان چلینگوک آ پاور پلانٹ نا ڈٹ بندی کننگاسس ہرانا کل پیداواری لائخی 2100 میگاواٹ ئس ، نا فزیبلٹی سٹڈی کن اظہار دلچسپی طلب کریسس ولے کنسلٹنٹ ہائر کننگ آن مست داہیت صاف مس کہ اسلام آباد نا علاقہ داڑنا پاور پلانٹ کن سہی اف انتئے کہ داڑآن چاگڑدی آلودگی تالان مننگ نا خلیس ئس ہنداخاطرآن سی ڈی اے ڈٹ ڈٹ ءِ یلہ کرے۔ سینیٹر تاج حیدر نا ضمنی سوج انا ورندی ٹی اوپارے کہ ڈٹ آ خڑچ انا چرجوئی ٹی ہچ ءُ تخمینہ اس جوڑ کننگ تو۔
