اسلام آباد۔ 2 نومبر (اے پی پی) مزن وزیر شاہد خاقان عباسی ئَ گوشت کہ پاکستان مسلم لیگ (ن) ئِ حکومت ئَ وتی سوگند پیلو کتگ اَنت ئُُ گوستگیں حکومت آں چہ میراس ئَ رستگیں ھاٹیگ ئِ کمیگ ئَ جوانیں رنگ ئَ گر ئُُ دار کتگ، گیس ئِ ھمک رنگ ئِ کارمرد کنوک آنی واستہ لوڈ شیڈنگ ئِ کسہ گوست ئِ کسو اِنت وھدیکہ توان ئِ لوڈ شیڈنگ ھم ھلاس بیت۔ آئیئَ اے گپ پنچ شمبے ئِ روچ ئَ پاکستان آئل اینڈ گیس کانفرنس 2017ئِ بنگیجی گند ئُُ نند ئَ گوں تران کنان ئَ کت۔ مزن وزیر ایشی ئَ چہ پیسر 4سال ئَ تاں وزیر ئِ پٹرولیم ھم بوتگ، مراگش ئَ گشتانک دیان ئَ آئی ئَ گوشت کہ استیں حکومت ئَ گوں دیم پہ دیمیں جیڈھ الکاپیں رنگ ئَ گیواری بوھگ ئَ اَنت۔ آئیئَ اپسوزی سہرا کت کہ گوست ئَ اے پڑ ئَ مھکم ئُُ برجمیں گیواری بیگواہ گندگ بیت۔ ادارکی گیواری سرجم ئُُ برجمیں گیواری نہ اِنت۔ ایشی ئِ مٹ ئَ استیں حکومت سرجم ئُُ برجمیں گیواری شوہازگ ئَ اِنت۔ ایل این جی ئِ درآمد ئَ چہ ملکی ھاٹیگ ئِ ضلورت ئَ دل یکیمیں کمک رستگ۔ آئیئَ ھاٹیگ ئِ مٹ ئَ رسانک آں چہ سرجمی ئَ نپ چست کنگ ئِ ادارکی بلے جوانیں شور ئُُ سلاھ پیش کنگ ئِ واستہ گوشت۔ آئیئَ 18ماہ ئِ ریکاٹیگ ایں آپینکیں گیس ٹرمینلز ئُُ ملک ئِ بازیں بھر آئی تہئَ گیس ئِ پجاری ئِ ھاترا بندوکیں ٹرانسمیشن لائن آنی سرجمی ئِ بابت ئَ تران کنا ن ئَ گوشت کہ ایشی ئَ چہ جاور ھال یک چیک ئَ مٹ بوتگ اَنت۔ مزن وزیر ئَ گوشت کہ وھد ئِ استیں وھد ئَ حکومت ئَ پاگواجئی سمبالتگ گڈا توان، گیس ئُُ ٹرانسپورٹ ئِ شوبگ ئِ ھاترا سی این جی ئَ ھوار بازیں چیلنج آں گوں دیم پہ دیمی بوتگ۔
