اسلام آباد۔ 2 نومبر (اے پی پی) صدر مملکت ممنون حسین ئَ گوشت کہ پاکستان توامیں دوستیں ئُُ براتیں ملک آنی گوما دونیمگی یکوئی ئُُ دیمروئی دوستی ئِ واھشت مند انت، پاکستان ئَ معشیت ئَ ھوار توامیں شوبگ آنی تہئَ دیمروئی کتگ۔ حکومت ئِ جوانیں پالیشی آنی سبب ئَ پاکستان ئِ معشیت جوانیں ئُُ تچکیں نیمگ ئَ گام جنان اِنت، آزاتیں سرمایہ کاری پالیشی ئِ بدولت ئَ پاکستان جنوبی ایشیاءئَ سرمایہ کاری ئِ ھاترا جوانیں ملک اِنت ایشی ئَ چہ میاں اوستمانی سرمائی کار گیشاں چہ گیش نپ چست کت کن اَنت۔ آئی ئَ اے گپ پنچ شمبے ئِ روچ ئَ نائیجیریا ئِ ہائی کمشنر، سوئٹزرلینڈ، متحدہ عرب امارات، بوسنیا ہرزیگوینیا ئُُ مصرئِ سفیرآں گوں جتا جتائیں گند ئُُ نند آنی تہئَ گوشت اَنت آواں ایوان ئِ صدر ئَ برجم داشتگیں مراگش ئَ وتی سفارتی سند آناں پیش کت۔ صدر ئِ مملکت ئَ گوشت کہ پاکستان توامیں دوست ئُُُ براتیں ملک آنی گوما دو نیمگی یکوئی ئَ را گیش ودینگ ئِ واھشت ایگ اِنت۔ آئیئَ امیت سہرا کت کہ نامینتگیں دو نیمگی یکوئی ھاسیں رنگ ئَ تجارت ئُُ سرمایہ کاری ئِ تہئَ گیشی ئِ واستہ گامگیج کن اَنت۔ صدر ئِ مملکت ئَ گوشت کہ پاکستان ایمنی ئِ رھبند آنی سر ئَ کار کنگ ئَ اِنت ئُُ میاں اوستمانی پڑ ئَ یک ارزسشتیگیں ملک ئِ بستار ئَ دار ایت۔
