پاک فضائیہ نا کڑد و تنظیمی ڈھانچہ غا سرجم بریفنگ تننگا
اسلام آباد۔ 02نومبر (اے پی پی) بنجائی وزیر دفاع انجینئر خرم دستگیر خان اینو ایئر ہیڈکوارٹرز اسلام آباد نا دورہ ءِ کرے۔ اونا بننگ آ پاک فضائیہ نا سروک ایئر چیف مارشل سہیل امان اودے بخیر کرے۔ اوپاک فضائیہ نا شہید آتے خراج تحسین پیش کننگ کن یات گار شہید آتا پھل آتا چادر اس شاغا۔ وزیر دفاع ءِ پاک فضائیہ نا کڑد و تنظیمی ڈھانچہ غا سرجم بریفنگ ہم تننگا۔ اوکان پد بنجائی وزیر پاک فضائیہ نا سروک تون اوڑدہی کرے ہراٹی تہہ نا و پیشن نا سلامتی نا حالیت آتیا خیال آتا درشانی ءِ کننگا۔ وزیر دفاع پاک فضائیہ نا کسبی مہارت و آپریشنل تیاری تا ستاءِ کرے ۔ اودہشت گردی نا برخلاف جاری آپریشن اٹی پاک فضائیہ نا کلیدی کڑد انا ستاءِ کرسا داہیت انا اعادہ ءِ کرے کہ پاک فضائیہ ءِ دنیا نا پوسکن آ فضائی وخت جوڑ کننگ کن غٹ وسیلہ غاتے کاریم اٹ اتنگک تانکہ ملکی دفاع ءِ ناقابل تسخیر جوڑ کننگ مرے۔
