وزیراعظم نا گوازی تا قومی فیڈریشن آتون اوار گوازی تا نظام نا گچینی و احیاء نو کن ٹاسک فور س اسے نا اڈتننگ نا پارت
اسلام آباد۔ 02نومبر (اے پی پی) وزیراعظم شاہد خاقان عباسی گوازی تا قومی فیڈریشن آتون اوار گوازی تا نظام نا گچینی و احیاء نو اکن ٹاسک فورس اسے نا اڈتننگ نا پارت کرینے۔ اوداپارت ءِ بنجائی وزیر بین الصوبائی رابطہ ریاض حسین پیرزادہ تون پنچ شنبے نادے داڑے وزیراعظم آفس اٹی اوڑدہی ٹی کرے۔ چیئرمین ہائر ایجوکیشن کمیشن ڈاکٹر مختار احمد بین الصوبائی رابطہ نا بنجائی سیکرٹری امجد علی خان و ڈائریکٹر جنرل اسپورٹس محمد اختر نواز گنجیرا ہم اوڑدی ٹی ساڑی ئسر۔ اوڑدہی ٹی پاکستان اسپورٹس بورڈ و اسپورٹس یونیورسٹی نا بابت معاملہ غاتیا سجفنگا۔ وزیراعظم گوازی تا قومی فیڈریشن آتون اوار گوازی تا نظام نا احیاء نو اکن ٹاسک فورس اسے نا اڈتننگ نا پارت کرے۔ دیوان اٹی وزیراعظم ءِ پاننگاکہ ہائر ایجوکیشن کمیشن، پاکستان اسپورٹس بورڈ و بین الصوبائی رابطہ نا وزارت نا اسیجائی کمک اٹ پوسکن انگا اسپورٹس یونیورسٹیءِ جوڑ کننگ انگ ءِ ہرانا بناء دسمبر نا ارٹ میکو ہفتہ ٹی مریک۔
