حکومت سائنس اینڈ ٹیکنالوجی و بڑزکو تعلیم نا مون آ دننگ کن عملی گام گیج کننگ ءِ، ڈپٹی چیئرمین پلاننگ کمیشن سرتاج عزیز نا سی ڈبلیو پی نا دیوان آن تران

اسلام آباد۔ 02نومبر (اے پی پی) ڈپٹی چیئرمین پلاننگ کمیشن سرتاج عزیز پارینے کہ حکومت سائنس اینڈ ٹیکنالوجی و بڑزکو تعلیم نا مون آ دننگ کن عملی گام گیج کننگ ءِ ، ویژن 2025ء نار داٹ پلاننگ کمیشن اسہ مربوط ءُ ڈٹ بندی اس کرینے ہرانار داٹ پاکستان نا چندی ڈٹ آتون اوار آزاد کشمیر ، گلگت بلتستان و قبائلی علاقہ غاتے کن اسہ جامع ءُ ڈٹ اس تیار کرینے ہراڑآ ترندی اٹ کاریم برجاءِ۔ داخیال آتا درشانی ءِ او سی ڈبلیو پی نا دیوان آن تران اٹی کرے۔ سینٹرل ڈویلپمنٹ ورکنگ پارٹی سائنس و ٹیکنالوجی نا 2.35ارب روپئی مالیت نا ڈٹ آتا منظوری ءِ تس۔ دیوان اٹی ہائر ایجوکیشن کمیشن ملیر کراچی ٹی ایجوکیشن سٹی ٹی مدرستہ الاسلام نا پوسکن ءُ کیمپس اس جوڑ کننگ کن اسہ ارب 63کروڑ 76لکھ 52ہزار روپئی نا خڑچ انا ڈٹ پیش کرے، دا ڈٹ ءِ پیش کننگ نا مسخت کامرس و بزنس ڈیپارٹمنٹ آتے کن اِرا بلاکس آتا جوڑ جاڑ، 200 طالب علم آتے کن اِرا اِرا ہاسٹلز آتا جوڑ جاڑ و اسٹا ف کن جاگہ غاتا جوڑ جاڑ اوار ءِ ہرادے دیوان منظور کرے۔ پاکستان اٹامک انرجی کمیشن نا کنڈآن اِرا ڈٹ 27 کروڑ 57 لکھ 52ہزار و 44کروڑ 13لکھ 80 ہزار روپئی نا خڑچ انا پیش کننگا ہراٹی سلکان سٹریپ ٹریکر و ماون سسٹم نا اپ گریڈیشن و ارٹ میکو ڈٹ نیشنل سنٹر فار فزکس نا آر اینڈ ڈی لیبارٹری نا اپ گریڈیشن اوار ءِ ہرادے دیوان اٹی منظور کننگا۔