سی پیک پاکستان نا معیشت ءِ بدلیفک، بلوچستان سی پیک ڈٹ اٹی گوادر پورٹ انا سوب کلیدی ءُ حیثیت اس تخک، بنجائی وزیر پوسٹل سروسز مولانا امیر زمان

اسلام آباد۔ 02نومبر (اے پی پی) جمعیت علماء اسلام (ف) بلوچستان نا سیاسی راہشون و بنجائی وزیر پوسٹل سروسز مولانا امیر زمان پارینے کہ سی پیک ایجنڈا مچ آ پاکستان اٹٰ معاشی قسمت ءِ بدلیفک و صوبہ بلوچستان سی پیک ڈٹ اٹی گوادر پورٹ انا سوب کلیدی حیثیت اس تخک۔ داخیال آتا درشانی ءِ بنجائی وزیر مولانا امیر زمان تینا دفتر اٹی بلوچستان نا ڈل اتون ہیت وگپ کرسا کرے۔ مولانا امیر زمان پارے کہ جمعیت علماء اسلام (ف) بلوچستان سی پیک ڈٹ ءِ ملکی مفاد اٹی سرسہب جوڑ کننگ کن پرعزم ءِ صوبہ بلوچستان نا شونداری شونہال پاکستان نا شونداری کن المی ءِ۔ اومستی پارے کہ جمعیت علماء اسلام (ف) بلوچستان نا حوصلہ بڑز ءِ و نن اسہ وار ولدا ثابت کینہ کہ بلوچستان سی پیک ڈٹ ءِ سرسہب جوڑ کننگ کن تینا دتر ءِ ہم ایتک۔