مچ آ دنیا ٹی صاف دیر انا فراوانی اسہ بھلو چیلنج اس جوڑ مرسا مون آ بسنے، دیر ءِ لڑد مننگ آن بچفنگ کن گام گیج آتا گرج ءِ
اسلام آباد۔ 02نومبر (اے پی پی) غیر سرکاری تنظیم ہیلپنگ ہینڈ فار ریلیف اینڈ ڈویلپمنٹ نا کنٹری ڈائریکٹر فضل الرحمان پارینے کہ مچ آ دنیا ٹی صاف دیر انا فراوانی اسہ بھلو چیلنج اس جوڑ مرسا مون آ بسنے۔ آخبت اٹی داناسوب چندی ویل آک مون آ بریرہ۔ دیر ءِ لڑد مننگ آن بچفنگ کن گام گیج آتا گرج ءِ۔ پنچ شنبے نادے اے پی پی تون ہیت وگپ کرسا فضل الرحمان پارے کہ ہیلپنگ ہینڈ انا صاف دیر انا فراوانی نا بشخ انا رداٹ صاف دیر انا فراوانی نا 1400 ڈٹ پورو کننگانو ہرافتیان 8لکھ خلقت فائدہ ہرفینو۔ اوپارے کہ دیر انسان نا زند انا گرج آتیان اسٹ ءِ ، ہر جان دار ءِ دانا ضرورت تمک، خاص وڑاٹ باسن و یخ انگا علاقہ غاتیٹی رہینگوک آتے کن تو دانا بھلو اہمیت اسے۔ اوپارے کہ حدیث اٹی ہم دیر ءِ صدقہ کننگ ءِ افضل انگا صدقہ پاننگانے۔ گرج داہیت انا ءِ کہ دا ویل اتون مون تننگ کن غٹ وسیلہ غاتے کاریم اٹ اتنگے۔
